對抗濕疹之路:Part 2沖涼篇

濕疹部位: 全身 (已完全痊癒)

其實最初發濕疹既地方只是面部以下既皮膚: 頸, 手腳, 身體, 勁乾同嚴重脫皮, 超級痕.  最初以為是天氣乾燥既關係, 不停咁搽BB 油, 好潤既潤膚膏, 但係完全無效果.  之後唔記得咩原因, 可能都係廣告關係, 本身用開johnson baby 沐浴露沖涼既我, 忽然覺得皂液會刺激皮膚就轉用QV Oil 沖涼. 神奇地不藥而癒同時亦再返發. 

而潤膚方面, 平時就隨便用一些沒有香味既潤膚膏沒有特定牌子, 不過如果濕疹還是比較嚴重的人用濕疹專用牌子 eg: physiogel, 舒特膚等, 比較保險.  如果極度乾燥的天氣只要加點橄欖油同用潤膚膏就可以. 凡士林都可以不過比較厚身同難吸收, 而橄欖油比較快吸收.

不過長期用QV oil 沖涼, 夏天會太油同時價錢比較貴.
以下分別介紹幾種我用過既沖涼液:

QV Oil

價錢: 約$200
優點: 滋潤, 方便容易使用
缺點: 夏天用太潤

 

Aquanil cleanser (夏天用適合)

 physio, 舒特膚的cleaner 都是一樣只不過唔同牌子

價錢: $90
優點: 無泡, 唔刺激, 李祖祺醫生介紹我用黎洗面, 至今我都用佢黎洗面
缺點: 貴, 細支好快用曬

 

 

Aqueous cream

好多西醫, 特別是政府醫院都會開給濕疹患者潤膚用, 但其實佢仲可以代替梘沖涼
我一直都係用AQ 沖涼, 當然洗pat pat 都會用梘. 只不過用作潤膚膏我是有點保留, 因為AQ 裡面有小許梘性成份.

價錢: 約$50
優點: 平, 一年四季都適合
缺點: 潤膚狀要花點時間推開

 

 

Emulsifying ointment 俗稱豬油膏

都是好多西醫, 特別是政府醫院開給濕疹患者沖涼用

價錢: 約$50
優點: 平, 好潤
缺點: 超級難推開

講完已經輕易痊癒的眼同身的濕疹, 下一次終於可以分享漫長的醫治臉部濕疹的血淚史, 各中西醫及其他偏方比較成效.

延伸閱讀: Part 1 對抗濕疹之路: 眼部篇

                  Part 3 對抗濕疹之路:Part 3 臉部篇_中西醫及偏方成效分享